جاپان میں مریض کوکپڑے میں لپیٹ کر علاج کا عجیب طریقہ

جاپان میں مریض کوکپڑے میں لپیٹ کر علاج کا عجیب طریقہ

ٹوکیو:جاپان میں مختلف بیماریوں میں متا ثر ہ جسم میں پیدا ہونے والی سختی اور تکلیف کو دور کرنے کے لیے مریضوں کو ایک بڑی چادر میں لپیٹ کر ان کا علاج کرنے کا طریقہ بہت مقبول ہورہا ہے۔جاپانی طویل اوقات تک سخت محنت کرنے میں مشہور ہیں ۔جس سے طرح طرح کی تکالیف مثلاً جوڑوں کا درد، سختی اور دیگر امراض پیدا ہوتے ہیں۔ لیکن جاپانی ماہرین  نے اس کا بہتر ین حل تلاش کیا جووہ مریضوں کو ایک بڑی چادر میں باندھ کر جسم کو اسی حالت میں رکھتی ہیں جس طرح ایک بچہ ماں کے پیٹ میں سکڑ کر سویا رہتا ہے۔اسے بالغ افراد کو لپیٹنے (اڈلٹ باڈی ریپنگ) کا نام دیا گیا ہے۔ لوگ بڑی تعداد میں اسے اپنارہے ہیں۔ اس میں ایک ایسا باریک کپڑا بدن پر لپیٹا جاتا ہے کہ مریض کو سانس لینے میں تکلیف نہ ہو اور اسے 15 سے 20 منٹ کے لیے چھوڑ دیا جاتا ہے۔واضح رہے کہ ہمارے ملک میں بھی چھوٹے بچوں کو سکون دینے یا معمولی پیدائشی نقائص دور کرنے کے لیے انہیں اسی طرح لپیٹا جاتا ہے ۔اسے آزمانے والے خواتین و حضرات نے بہت مفید قرار دیا ہے۔ وجہ یہ ہےکہ وقت گزرنے کے ساتھ ساتھ ہماری کمر اور ہڈیوں کی لچک کم ہوتی جاتی ہے اور خود کو اس طرح گھٹڑی میں باندھنے سے بدن کو نہ صرف سکون ملتا ہے بلکہ ڈھانچے پر ہونے والے اثرات بھی کم ہوجاتےہیں۔اگرچہ اس طریقے پر تنقید اور غیرسائنسی ہونے کا الزام بھی لگایا جارہا ہے لیکن یہ سلسلہ جاری ہے اور ایک سیشن کی قیمت 3 ہزار سے ساڑھے 6 ہزار روپے ہے۔

Leave a Comment

Your email address will not be published. Required fields are marked *

*