پاکستان کی فوج اب کسی اور کی جنگ نہیں لڑے گی : عمران خان

پاکستان کی فوج اب کسی اور کی جنگ نہیں لڑے گی : عمران خان

 وزیراعظم عمران خان نے ایک مرتبہ عزم دہرایا ہے کہ جہاں بھی ثالثی کی ضرورت ہوئی تو پاکستان اپنا کردار اداکرے گا لیکن پاکستان کی فوج اب کسی اور کی جنگ نہیں لڑے گی ،سعودی عرب اور متحدہ عرب امارات نے جو امداد دی ہے اس پر کوئی شرط عائد نہیں اور امداد کے بدلے ہم اب کوئی جنگ نہیں لڑیں گے، ٹیکسٹائل انڈسٹری کیلئے آسانیاں پیدا کریں گے ۔

لاہور میں تاجروں سے خطاب کرتے ہوئے وزیراعظم عمران خان نے کہا کہ ملک کو اپنے پاؤں پر کھڑا ہوتا دیکھنا چاہتا ہوں،  یقین دلاتا ہوں کہ صنعتوں کے لیے ماحول درست کریں گے۔انہوں نے کہا کہ جو جائز پیسا بنائے اس کو غلط نہ سمجھیں، مہاتیر محمد نے دولت بنانے کا موقع دیا اور شیخ محمد نے بھی ایسا ہی کیا، اگر منافع بنتا ہے تو مزید لوگ آ کر سرمایہ کاری کریں گے اور سرمایہ کاروں کی دلچسپی تب ہی بڑھے گی جب وہ پیسہ بنائیں گے۔ صنعتوں کو گیس اور بجلی سستی ملے گی، اگرصنعتوں کو ری بیٹ نہیں دیں گے تو ان کا دیوالیہ نکل جائے گا، گورننس سسٹم ٹھیک کردیا توملک ٹیک آف کر جائے گا۔
 عمران خان نے کہا کہ سعودی عرب اور متحدہ عرب امارات نے جو امداد دی ہے اس پر کوئی شرط عائد نہیں، امداد کے بدلے ہم نے کوئی جنگ نہیں لڑنی، ہم امن کے داعی ہیں اور امن کے لیے جو کردارادا کرسکے کریں گے، پاکستان کی جہاں بھی ضرورت پڑی ثالثی کا کردار اداکرے گا، پاکستان کی فوج اب کسی اور کی جنگ نہیں لڑے گی۔

Leave a Comment

Your email address will not be published. Required fields are marked *

*