امریکی ریاست کے جنگلات میں آگ لگ گئی، 7 افراد ہلاک ہزاروں بے گھر

امریکی ریاست کے جنگلات میں آگ لگ گئی، 7 افراد ہلاک ہزاروں بے گھر

امریکی ریاست ٹینسی کے جنگلات میں آگ لگنے کے نتیجے میں سات افراد ہلاک اور ہزاروں افراد بے گھر ہو گئے ہیں۔ ہلاک ہونے والوں کی شناخت نہیں ہو سکی تاہم تین افراد کی لاشیں ایک جلے ہوئے گھر سے ،ایک کی لاش ایک ہوٹل سے اور مزید تین افراد کی لاشیں آگ سے متاثرہ قریبی علاقوں سے ملی ہیں ۔امریکی ریاست ٹینسی کے جنگلات میں آگ لگنے کی وجہ سے وہاں کے لوگ اپنا گھربار چھوڑنے پر مجبور ہو گئے ہیں۔ آگ بجھانے کے لئے فائربریگیڈ عملے کی تمام تر کوششوں کے باوجود ہوا کے تیز جھونکوں سے آگ مزید بھڑکتی چلی گئی اور دیکھتے ہی دیکھتے پورے علاقے کو آگ نے اپنی لپیٹ میں لے لیا۔آگ بھڑکنے کی بناء پر سیکڑوں کی تعداد میں رہائشی مکانات اور عمارتیں جل گئیں جبکہ بچ نکلنے والے افراد کو اپنے لواحقین اور رشتہ داروں کی سلامتی کے بارے میں گہری تشویش لاحق ہے۔

Leave a Comment

Your email address will not be published. Required fields are marked *

*