بھارتی پولیس نے سری نگر میں حریت رہنما یاسین ملک کو دوبارہ گرفتار کرلیا

بھارتی پولیس نے سری نگر میں حریت رہنما یاسین ملک کو دوبارہ گرفتار کرلیا

بھارتی پولیس نے سری نگر میں حریت رہنما یاسین ملک کو دوبارہ گرفتار کرلیا،یاسین ملک کو مسلسل 4 ماہ کی قید کے بعد 29اکتوبر کو جیل سے رہا کیا گیا تھا۔کشمیر میڈیا سیل کے مطابق حریت رہنماؤں نے کل مقبوضہ کشمیر میں یوم استقلال منانے کا اعلان کر رکھا ہے، حریت رہنماؤں کی اپیل پر کل لال چوک تک مارچ کیاجانا ہے۔یاسین ملک کو 4ماہ کی قید کے بعد بھارتی پولیس نے 29 اکتوبر کو جیل سے رہا کیا تھا، حریت پسند برہان مظفر وانی کی شہادت کے بعد سے یاسین ملک جیل میں قید تھے۔کشمیری میڈیا کے مطابق بھارتی پولیس نے حریت رہنما یاسین ملک ان کی رہائش گاہ پر چھاپا مار کر گرفتار کیا تھا، پارٹی ترجمان کے مطابق یاسین ملک کو پولیس نے کوٹھی باغ پولیس اسٹیشن میں بند کیا ہے۔گزشتہ گرفتاری کے بعد دوران قید بھارتی پولیس کے تشدد سے یاسین ملک کی طبیعت خراب ہو گئی تھی۔حریت کانفرنس کی اپیل پر کل مقبوضہ وادی میں یوم استقلال منایا جانا ہے، جس کے دوران کل لال چوک تک بھارتی مظالم کے خلاف آزادی مارچ بھی کیا جائے گا۔

Leave a Comment

Your email address will not be published. Required fields are marked *

*