ٹیبلٹ کمپیوٹرتیار جو نا بینا افراد کے بریل سسٹم سے لیس

ٹیبلٹ کمپیوٹرتیار جو نا بینا افراد کے بریل سسٹم سے لیس

کنساس سٹی:ایک کمپنی نے ٹیبلٹ کمپیوٹرتیار کیاہےجوبریل سسٹم سےلیس ہےجسےنابیناافراد کا ”آئی پیڈ“ بھی کہاجارہا ہےاور اس کا نام (بلیٹیب )ہے۔بلیٹیب کو پہلے مرحلے میں 3 ہزار افراد پر کامیابی سے آزمایا گیا۔ اس کے بعد اس کی بڑے پیمانے پر جلد از جلد پیداوار شروع کرنے کے لیے امریکا کا رخ کیا اور اب کمپنی کنساس سٹی میں قائم ہے۔یہ ٹیبلٹ کمپیوٹر ایک مخصوص نظام کے ذریعے اپنی اسکرین پر موجود عام تحریر کو بریل کوڈ میں تبدیل کردیتا ہے جو اسکرین سے منسلک ’’بریل بورڈ‘‘ پر ابھاروں کی شکل میں نمودار ہوجاتی ہے اور نابینا افراد ہاتھ سے چھو کر اسے پڑھ سکتے ہیں۔یہی بریل بورڈ استعمال کرتے ہوئے نابینا صارفین لکھ بھی سکتے ہیں جو ٹیبلٹ اسکرین پر عام حروف کی شکل میں نمودار ہوتا ہے یعنی بینائی والے افراد اس تحریر کو دیکھ کر پڑھ سکتے ہیں۔بلیٹیب میں آواز کے ذریعے احکامات لینے کے علاوہ آواز کو تحریر اور تحریر کو آواز میں بدلنے کی اضافی سہولت بھی موجود ہے جس کی بدولت اسے استعمال کرنے میں نابینا لوگوں کو مختلف سافٹ ویئر/ ایپس سے استفادہ کرنے اور انٹرنیٹ سرفنگ تک میں بڑی آسانی رہتی ہے۔کمپنی حکام کا کہنا ہے کہ بلیٹیب کا فائدہ پوری دنیا میں نابینا افراد کو پہنچے گا۔ عالمی ادارہ صحت کے مطابق اس وقت دنیا بھر میں کم از کم 3 کروڑ 90 لاکھ مکمل طور نابینا ہیں یعنی اس ایجاد کی کامیابی کے لیے امکانات کی دنیا بھی بہت وسیع ہے۔

Leave a Comment

Your email address will not be published. Required fields are marked *

*