تشدد کا شکار کم سن گھریلو ملازمہ طیبہ کا طبی معائنہ مکمل

تشدد کا شکار کم سن گھریلو ملازمہ طیبہ کا طبی معائنہ مکمل

ایڈیشنل سیشن جج کے گھر تشدد کا شکار ہونے والی کم سن گھریلو ملازمہ طیبہ کا پمز اسپتال میں طبی معائنہ مکمل کر لیا گیا ہے۔

ڈاکٹر جاوید اکرم کی سربراہی میں پمز اسپتال کے 5 رکنی میڈیکل بورڈ نے طیبہ کاطبی معائنہ مکمل کر لیا ہے، ڈاکٹر جاوید اکرم کے علاوہ ماہر نفسیات ڈاکٹر عاصمہ، برن سرجن ڈاکٹر طارق، پلاسٹک سرجن ڈاکٹر حمید اور جنرل سرجن ڈاکٹر ایس ایچ وقار بھی میڈیکل بورڈ کا حصہ تھے۔ڈاکٹرز نے طیبہ کا ڈی این اے اور پیٹھ پر جلنے کے نشانات کے نمونے بھی لئے، اس کے علاوہ طیبہ کے والد اعظم، والدہ اور بھائی زین کے بھی ڈی این اے کے نمونے لیے گئے۔ طبی معائنے کے بعد طیبہ کو اسپتال سے واپس ویمن کرائسز سینٹر بھیج دیا گیا۔قبل ازیں طیبہ کو ڈی ایس پی کی سربراہی میں پولیس نفری نے سخت سیکیورٹی میں پمز اسپتال پہنچایا تو اس موقع پر کم سن گھریلو ملازمہ کی ساتھ ان کی والدہ بھی موجود تھیں۔ پولیس نے تمام معاملے کو میڈیا سے اوجھل رکھا۔

Leave a Comment

Your email address will not be published. Required fields are marked *

*