سزا مکمل ہونے پر بھارتی جاسوس حامد نہال انصاری کو رہا کردیا گیا، دفتر خارجہ

سزا مکمل ہونے پر بھارتی جاسوس حامد نہال انصاری کو رہا کردیا گیا، دفتر خارجہ

اسلام آباد: بھارتی جاسوس حامد نہال انصاری کو رہا کردیا گیا، دفترِ خارجہ نے رہائی کی تصدیق کردی۔

تفصیلات کےمطابق تین سال قبل ملٹری کورٹ سے سزا پانے والے بھارتی جاسوس کو سزا مکمل ہونے پر رہا کیا گیا ہے، مجرم کو ریاست مخالفت سرگرمیوں پر گرفتار کیا گیا تھا۔

دفتر خارجہ کا کہنا ہے کہ بھارتی جاسوس حامد نہال انصاری کو واپس بھارت بجھوایا جائے گا۔ اس نے اپنی سزا مکمل کرلی ہے۔

مجرم نے گرفتاری کے بعد اعتراف کیا تھا کہ وہ افغانستان کے راستے پاکستان میں داخل ہوا تھا۔ وہ سات فیس بک اکاؤنٹس اور تیس سے زائد ای میل آئی ڈیز استعمال کرتا رہا تھا۔

پاکستان میں گرفتار ہونے والے 9 بھارتی جاسوس

حامد نہال انصاری کی عمر 31 سال ہے اور مجرم نے ایم بی اے کی ڈگری حاصل کررکھی ہے، وہ ممبئی مینجمنٹ کالج میں استاد بھی رہا ہے۔مجرم کو کوہاٹ میں ملٹری عدالت سے سزا سنائی گئی تھی جس کے بعد اسے پشاور کی سینٹرل جیل منتقل کردیا گیا ۔

ملزم کو سزا جعلسازی اور ریاست کے خلاف اقدامات کرنے کے جرم میں سنائی گئی تھی۔

Leave a Comment

Your email address will not be published. Required fields are marked *

*