ویسٹ انڈیز مارچ میں پاکستان کا دورہ کرے گی، نجم سیٹھی

ویسٹ انڈیز مارچ میں پاکستان کا دورہ کرے گی، نجم سیٹھی

پاکستان کرکٹ بورڈ (پی سی بی) کے چیئرمین نجم سیٹھی نے کہا ہے کہ رواں سال مارچ میں ویسٹ انڈیز کی ٹیم پاکستان کا دورہ کرے گی۔لاہور میں میڈیا سے گفتگو کرتے ہوئے نجم سیٹھی کا کہنا ہے کہ پی سی بی ملک میں بین الاقوامی کرکٹ بحال کرنے میں کامیاب رہا ہے اور اب اس سلسلے کو آگے بڑھانا ہے۔انہوں نے کہا کہ اس حوالے سے مشکلات کا سامنا کرنا پڑا لیکن جذبے سے کام کیا اور اب رواں سال مارچ میں ویسٹ انڈیز کی ٹیم پاکستان کا دورہ کرے گی۔ان کا کہنا تھا کہ آسٹریلیا اور نیوزی لینڈ کی ٹیمیں متحدہ عرب امارات میں سیریز کھیلنے آئیں گی اور ہماری کوشش ہے کہ دونوں ٹیموں کو ایک، دو میچز پاکستان میں کھیلنے پر آمادہ کریں۔نجم سیٹھی نے کہا کہ 2017 پاکستان کرکٹ کے لیے بہت اچھا رہا اور چیمپینز ٹرافی جیت کر قومی ٹیم نےعوام کے دل جیتے ہیں۔انہوں نے کہا کہ کرکٹ ٹیم اور بورڈ دونوں نے بہت کارنامے انجام دیے ہیں اور کھلاڑیوں نے ٹیم اسپرٹ اور ڈسپلن کا مظاہرہ کیا لہٰذا امید ہے کہ کامیابیوں کا تسلسل برقرار رہے گا۔ان کا کہنا تھا کہ بھارت اور انگلینڈ کو شکست دینا چھوٹی بات نہیں ہے اور ٹی ٹوئنٹی کے بعد ون ڈے کرکٹ میں بھی ٹیم کا گراف اوپر جارہا ہے۔

Leave a Comment

Your email address will not be published. Required fields are marked *

*